Toshkentda isitish mavsumi yakunlandi
Poytaxt hokimligi yaqin orada tegishli qarorni qabul qiladi.
2025 yilning 8 martdan 14 martgacha bo‘lgan davrda Toshkentda o‘rtacha sutkalik harorat 11,6 daraja (8 martda minimal – 9 daraja, 14-martda esa maksimal – 13,1 daraja) bo‘ldi.
Toshkent shahrida issiqlik taʼminotini yetkazib beruvchi Veolia Energy Tashkent kompaniyasi Hukumatning 2014 yil 15 iyuldagi 194-son qaroridagi “o‘rtacha sutkalik havo harorati ketma-ket besh kun mobaynida 8 darajada saqlanib tursa, isitish mavsumi yakunlanishi” borasidagi tartibga asosan, isitish mavsumi yakunlanishi haqida maʼlum qildi.
Qayd etilishicha, poytaxt hokimligi bu borada yaqin orada tegishli qarorni qabul qiladi.
“Isitish mavsumi yakunlangach, keyingi mavsumga tayyorgarlik ko‘rish ishlarining muhim bosqichi boshlanadi.
Kompaniya yilning sovuq mavsumida issiqlik taʼminoti yana-da barqaror va sifatli bo‘lishi uchun issiqlik tarmoqlari, mahalliy qozonxonalar va nasos stansiyalarida joriy hamda kapital taʼmirlash ishlarini olib boradi”, – deyiladi kompaniya xabarida.
