Zangiotadagi ochiq maydonda yong‘in sodir bo‘ldi
Holat yuzasidan FVB rasmiy maʼlumot berdi.
Bugun, 19 mart kuni soat 10:00 da Toshkent viloyati Zangiota tumani “Nurafshon” MFY O‘zbekiston ovozi ko‘chasida joylashgan ochiq maydonda qurilish chiqindilari yonayotganligi to‘g‘risida FVBga xabar tushgan.
Shunga ko‘ra, 2 ta yong‘in-qutqaruv ekipaji soat 10:12 da hodisa joyiga yetib borib, yong‘in soat 10:17 da o‘rab olingan va soat 10:28 da o‘chirilgan.
Yong‘in oqibatida tan jarohati olgan va vafot etganlar yo‘q. Hozirda yong‘in sababi va moddiy zarar miqdori aniqlanmoqda.
