AQSH muhojirlarni mamlakatdan chiqarib yuboradi
Muhojirlarga mamlakatni tark etish uchun bir necha hafta muddat berilgan.
Donald Tramp maʼmuriyatining qarori 532 000 ga yaqin kubalik, gaitilik, nikaragualik va venesuelik muhojirlarga taʼsir qiladi. Ular AQSHga CHNV dasturi doirasida kelgan bo‘lib, mazkur dastur 2022 yil oktyabr oyida Jo Bayden maʼmuriyati tomonidan ishga tushirilgan va 2023 yil yanvar oyida kengaytirilgan edi.
"Oq uy tomonidan asosan Lotin Amerikasidan kelgan yuz minglab muhojirlarga mamlakatni tark etish uchun bir necha hafta muddat berilgan", deyiladi agentlik xabarida.
Rasmiy maʼlumotlarga ko‘ra, mazkur muhojirlar 25 mart kuni eʼlon qilinishi kutilayotgan buyruqdan so‘ng 30 kun ichida qonuniy maqomlarini yo‘qotishadi. Agar ular mamlakatda qolishga imkon beruvchi boshqa muhojirlik maqomiga ega bo‘lmasalar, 24 aprelga qadar AQSHni tark etishlari lozim.
Mutaxassislarning fikriga ko‘ra, ushbu qarorni amalga oshirish murakkab jarayon bo‘ladi, chunki u CHNV dasturi asosida mamlakatga kirgan muhojirlarning katta qismini qamrab oladi. Kaliforniyalik muhojirlik huquqi bo‘yicha advokat Nikolett Glayzerning taʼkidlashicha, qaror amalga oshirilsa, "katta tartibsizlik" yuzaga kelishi mumkin.
