Feruza Karimova mualliflik huquqini buzganlikda ayblandi
Sud qarori bilan 40 million so‘m miqdorda jarimaga tortildi.
Xonanda Feruza Karimova shoiraga tegishli she’rni ruxsatsiz qo‘shig‘ida ishlatgani uchun sud tomonidan jarimaga tortildi.
Shoira M. Ahrorova "Dod degim kelyapti dastingdan" nomli mualliflik she’ri xonandaning "Dastingdan" nomli qo‘shig‘ida ruxsatsiz qo‘llangani uchun sudga murojaat qilgan. Sud jarayonida Adliya vazirligi vakillari ishtirok etib, holatga huquqiy baho berishdi.
Sud qaroriga ko‘ra, F. Karimova mualliflik huquqini buzgan deb topilib, shoiraga 37,5 million so‘m miqdorida kompensatsiya hamda 5 million so‘m ma’naviy zarar to‘lashi belgilandi.
