Korrupsiya yuqori bo‘lgan sohalarda o‘rganishlar olib borilmoqda
Navbatdagi manzil Xorazm viloyatining Urganch tumani bo‘ldi.
Respublika idorlararo ishchi guruhning korrupsiya yuqori bo‘lgan sohalardagi o‘rganishlari davom etmoqda. Bu galgi manzil Xorazm viloyatining Urganch tumani bo‘ldi.
Maqsad Korrupsiyaga qarshi kurashish milliy kengashining kengaytirilgan yig‘ilishida Prezidentimiz tomonidan belgilab berilgan vazifa va topshiriqlar ijrosini taʼminlash, xususan, sog‘liqni saqlash, bandlik, bank, kadastr, qurilish, maktabgacha va maktab taʼlimi kabi muhim sohalarda korrupsiyaviy omillarni bartaraf etish, raqamlashtirish, byurokratik tartiblarni bekor qilish bo‘yicha aniq choralar ko‘rishdan iborat.
Ushbu sohalarda inson omili va qog‘ozbozlikni kamaytirish, ishga qabul qilishni ochiq va shaffof o‘tkazish, korrupsiyaga nisbatan murosasizlikda xodimlarning masʼuliyati va javobgarligini oshirish, korrupsiyaga yo‘l ochadigan omillarni bartaraf etadigan preventiv choralarni kuchaytirish yuzasidan birgalikdagi aniq vazifalar belgilab olinmoqda.
Shuningdek, kriminogen vaziyat og‘ir bo‘lgan mahallalarda huquq-tartibot idoralari, profilaktika bo‘linmalari, "Mahalla yettiligi" vakillari bilan xavfsiz muhitni yaratish va huquqbuzarliklarning barvaqt oldini olish tizimini kuchaytirish bo‘yicha taklif va tavsiyalar ishlab chiqilmoqda.
