AQSh tomonidan 70 ta xalqaro tashkilotga sanksiya e’lon qilindi
AQSh Eron, Xitoy, BAA, Pokiston va Janubiy Afrikadagi kompaniyalariga eksport cheklovlari qo'yildi.
AQSh savdo vazirligi Eron, Xitoy, Birlashgan Arab Amirliklari (BAA), Pokiston va Janubiy Afrika davlatlaridagi 70 ta tashkilotga eksport cheklovlari joriy etdi. Bu haqda seshanba kuni AQSh hukumatining rasmiy hujjatlar to‘plami — federal reestrda e’lon qilingan.
Ro‘yxatga Xitoydan 42 ta, Pokistondan 19 ta, BAAdan 4 ta, Janubiy Afrikadan 3 ta va Erondan 2 ta kompaniya kiritilgan. AQSh hukumatiga ko‘ra, bu tashkilotlarning faoliyati mamlakatning milliy xavfsizligi yoki tashqi siyosatiga zid deb baholangan.
Sanksiyalar natijasida ushbu tashkilotlarga AQSh tovarlarini yetkazib berish uchun maxsus litsenziya talab etiladi, biroq bunday arizalar ko‘rib chiqish jarayonida rad etilishi ehtimoli yuqori bo‘ladi.
