Surxondaryoning tog‘li hududlarida qor yog'di
Havo o‘zgarishi ekinlarga salbiy taʼsir ko‘rsatishi mumkin.
Bugun Surxondaryo viloyatining Boysun, Sariosiyo, Denov va Oltinsoy tumanlarining baland tog‘li hududlarida kutilmaganda qor yog‘di.
Qorning balandligi ayrim joylarda 5–6 santimetrga yetdi. Boysundagi “Duoba”, “Xo‘jaidod”, “Dehbolo”, Sariosiyoning “Chosh” mahallasi va Yuqori Tog‘olang milliy tabiat bog‘i, Denovning “O‘shor” va “Sina” mahallalari hamda Oltinsoyning bir necha hududlari qorga burkandi.
Mutasaddilarning taʼkidlashicha, bu havo o‘zgarishi erta uyg‘ongan daraxtlar va ekinlarga salbiy taʼsir ko‘rsatishi mumkin. Shu bois, dehqon va bog‘bonlarga qo‘shimcha himoya choralarini ko‘rish tavsiya etildi.
