O‘qotar qurolni ixtiyoriy topshirganlarga mukofot beriladi
Qaror noqonuniy qurollarni kamaytirishga qaratilgan.
O‘zbekistonda ro‘yxatdan o‘tmagan o‘qotar qurol va o‘q-dorilarni ixtiyoriy ravishda huquq-tartibot organlariga topshirgan fuqarolar mukofotlanadi. Bu tartib Vazirlar Mahkamasining 2025-yil 25-martdagi qarori bilan tasdiqlandi.
Mukofot miqdori topshirilgan qurol turiga bog‘liq bo‘lib, miltiqli qurollar uchun 500% BHM, silliq qurollar uchun 400%, pnevmatik qurollar uchun 100%, pichoqlar uchun 50% va boshqa vositalar uchun 5–30% oralig‘ida belgilanadi. Agar topshirilgan qurol shikastlangan bo‘lsa, mukofot miqdori ikki baravarga kamayadi.
Qurol topshirish jarayoni profilaktika inspektori yoki tegishli idoralar orqali amalga oshiriladi. Ichki ishlar organlari qurolni tekshirib, bu haqda maxsus kvitansiya beradi. Ushbu chora noqonuniy qurollarni kamaytirish va xavfsizlikni oshirishga qaratilgan.
