“Shahriston” bekatida metro poyezdi nega to‘xtab qoldi?
Metropoliten poyezd nosozligi yuzasidan izoh berdi.
Ijtimoiy tarmoqlarda “Shahriston” metro bekatida poyezd to‘xtab qolgani haqida xabarlar tarqaldi.
Mazkur holat yuzasidan “Toshkent metropoliteni” AJ maʼlumot berdi.
Qayd etilishicha, 7-oktyabr kuni soat 08:22 da “Shahriston” metro bekatida 69-sonli, 1985 yilda ishlab chiqarilgan harakat tarkibida texnik nosozlik yuzaga kelgan. Nosozlik 6 daqiqa davom etgan.
Shundan so‘ng yo‘lovchilar poyezddan tushirilgan va harakat tarkibi ko‘rikdan o‘tkazish uchun texnik ko‘rik yo‘lagiga olib ketilgan.
Yo‘lovchilarga xizmat ko‘rsatishda uzilishlarga yo‘l qo‘ymaslik maqsadida zaxira harakat tarkibi zudlik bilan yo‘nalishga chiqarilgan.
Hozirda mazkur holat bo‘yicha tegishli texnik choralar ko‘rilgan.
