Rossiyada qor ko'chkisi yuz berdi
Fojia oqibatida 4 kishi halok bo'lgan.
Rossiyaning Magadan viloyatida sayyohlik guruhi qor ko‘chkisiga duch keldi. Rossiya Favqulodda vaziyatlar vazirligi ma’lumotiga ko‘ra, hodisa Sinegorye posyolkasidan 30 km uzoqlikdagi dovonda sodir bo‘lgan.
Guruh tarkibida olti kishi bo‘lib, ulardan to‘rt nafari halok bo‘lgan, yana biri jarohat olgan, qolgan bir kishi esa omon qoldi. Voqea sodir bo‘lgan hudud tog‘li mintaqada joylashgani sababli qutqaruv ishlarini olib borish qiyinlashgan.
Sayyohlarni evakuatsiya qilish uchun Rossiya Favqulodda vaziyatlar vazirligi tomonidan Mi-8 vertolyoti orqali maxsus qutqaruv guruhi yuborildi. Vertolyotda sakkiz nafar qutqaruvchi bo‘lib, ular voqea joyiga yetib borib, jabrlanganlarga yordam ko‘rsatishi kutilmoqda.
