Toshkentda noqonuniy tibbiyot buyumlari savdosi fosh etildi
Qibray tumanida 1,1 milliard so‘mlik noqonuniy tibbiyot mahsulotlari musodara qilindi.
Toshkent viloyati Qibray tumanida noqonuniy tibbiyot mahsulotlarini saqlab kelgan shaxs aniqlandi. Huquq-tartibot organlari tomonidan o‘tkazilgan tezkor tadbir davomida 1,1 milliard so‘mlik 25 turdagi 16 780 dona noqonuniy tibbiy buyumlar musodara qilingan.
Bosh prokuratura huzuridagi Departamentning Toshkent shahar boshqarmasi, DXX va bojxona xodimlari hamkorligida o‘tkazilgan tekshiruv jarayonida fuqaro E.N. xorijda ishlab chiqarilgan va mamlakat hududida sotish, tashish, saqlash hamda tibbiyot amaliyotida qo‘llash taqiqlangan buyumlarni noqonuniy ravishda savdoga qo‘yganligi aniqlangan.
Mazkur holat yuzasidan O‘zbekiston Respublikasi Jinoyat kodeksining 186-3-moddasi (sifatli yoki qalbakilashtirilgan dori vositalari va tibbiy buyumlarni noqonuniy tayyorlash, saqlash, tashish yoki sotish) bo‘yicha jinoyat ishi qo‘zg‘atilib, tergov harakatlari davom etmoqda.
