Germaniya tashqi ishlar vaziri Kiyevga bordi
Ukrainaga 130 mln yevro yordam ajratiladi.
Annalena Berbokning maʼlum qilishicha, Germaniya Ukrainaga qo‘shimcha ravishda 130 million yevro gumanitar yordam ajratadi.
“AQSH va Rossiya o‘rtasidagi mavhum vaziyat sababli yevropaliklar Ukrainani hech qanday ikkilanishlarsiz qo‘llab-quvvatlashlarini ko‘rsatishlari kerak”, — deya taʼkidladi Germaniya TIV rahbari.
Uning so‘zlariga ko‘ra, bu masala NATOga aʼzo davlatlarning tashqi ishlar vazirlari yig‘ilishida muhokama qilinadi.
Bu Berbokning Germaniya tashqi ishlar vaziri sifatida Ukrainaga to‘qqizinchi tashrifidir.
