Malayziyadagi gaz quvurida portlash yuz berdi
Hodisa oqibatida 25 kishi jarohatlangan.
Bugun ertalab Malayziyaning Putra Heights hududida joylashgan Petronas gaz quvurida kuchli yong‘in sodir bo‘ldi. Hodisa natijasida kamida 25 kishi jarohat olgan bo‘lib, ulardan ayrimlari kuyish va nafas olish qiyinlishuvidan aziyat chekmoqda. Rasmiylarning ma’lum qilishicha, yong‘in natijasida bir nechta uylar ham zararlangan.
Voqea joyida yong‘in baland alangalar bilan kuzatilgan bo‘lib, portlashning kuchi bir necha kilometr uzoqlikdan ham sezilgan. Sog‘liqni saqlash vazirligi hodimlari jabrlanganlarga tezkor tibbiy yordam ko‘rsatish uchun voqea joyiga yetib borgan. Dastlabki ma’lumotlarga ko‘ra, besh nafar jabrlanuvchi Serdang kasalxonasiga yotqizilgan.
Selangor yong‘in va qutqaruv xizmati rasmiylarining aytishicha, voqea haqida soat 8:10 da favqulodda qo‘ng‘iroq kelib tushgan va hozirda yong‘inni to‘liq nazoratga olish uchun harakatlar davom etmoqda. Hudud aholisi xavfsizlik choralariga rioya qilishga chaqirildi.
