Ohangaronda 4 ta mashina avariyaga uchradi
Holat yuzasidan YHXB maʼlumot berdi.
Bugun, 1 aprel kuni 08:00 larda “Toshkent-O‘sh” avtomobil yo‘lining 34-kilometrida 4 ta transport vositasi — “Howo”, “Zil” rusumli yuk avtomobillari hamda “Cobalt” va “Nexia”rusumli yengil avtomobillar ishtirokida yo‘l-transport hodisasi sodir bo‘lgan.
Ushbu yo‘l-transport hodisasi natijasida harakat ishtirokchilari sog‘lig‘iga ziyon yetmagan. Transport vositalari texnik shikastlangan.
Hozirda holat yuzasidan Ohangaron tumani IIB YHXB tomonidan surishtiruv ishlari olib borilmoqda.
