Qashqadaryoda 1 mlrd so’mlik elektr talon-taroj qilindi
Jinoyatchilar protsessual tartibda qo‘lga olingan.
Qashqadaryo viloyatida elektr tarmog‘i xodimi fermer bilan til biriktirib, katta miqdordagi davlat resursini talon-toroj qilgan. Qarshi shahardagi elektr tarmog‘i korxonasi xodimi B.A. va fermer xo‘jaligi rahbari O‘.T. oldindan kelishib, fermer xo‘jaligining omborxonasidagi ikki dona qo‘lbola yog‘ ishlab chiqarish uskunasini elektr tarmog‘iga noqonuniy ulagan.
Tekshiruvlar davomida ular jami 1 milliard 50 million so‘mlik elektr energiyasini o‘g‘irlagani aniqlangan.
Mazkur holat yuzasidan Jinoyat kodeksining 169-moddasining 4-qismi "a" bandi (talon-toroj qilish) bilan jinoyat ishi qo‘zg‘atilgan.
