O‘zbekistonning sakkizta hududiga sel kelishi kutilmoqda
Baʼzi hududlarda suv bosishi ehtimoli bor.
O‘zgidromet agentligi maʼlum qilishicha, 8–9 aprel kunlari yurtimizning tog‘li va tog‘oldi hududlarida yog‘adigan yomg‘irlar natijasida sel-suv toshqin hodisalari yuzaga kelishi mumkin. Xususan, kuchli yomg‘ir suvlarining to‘planishi baʼzi hududlarda suv bosishiga olib kelishi ehtimoli bor.
Sel xavfi quyidagi viloyatlar va tumanlarda kutilmoqda:
Qashqadaryo viloyati — Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor
Surxondaryo viloyati — Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobot
Samarqand viloyati — Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon
Jizzax viloyati — Zomin, Baxmal, G‘allaorol, Sharof Rashidov, Forish, Yangiobod
Toshkent viloyati — Ohangaron, Bo‘stonliq, Parkent, Piskent, O‘rta Chirchiq, Yuqori Chirchiq, Angren, Olmaliq
Namangan viloyati — Pop, Kosonsoy, Chortoq, Chust, Namangan, Yangiqo‘rg‘on
Farg‘ona viloyati — Farg‘ona, Beshariq, So‘x, Shohimardon
Andijon viloyati — Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat, Xonabod
Tog‘oldi hududlarda yashovchi yoki harakatlanuvchi barcha shaxslardan ehtiyot choralarini ko‘rishlari so‘ralmoqda. Havo sharoiti bilan bog‘liq holatni diqqat bilan kuzatib borish va zarurat tug‘ilganda xavfsiz joylarga ko‘chish tavsiya etiladi.
