Filippinda Kanlaon vulqoni otildi
Hududda xavf darajasi yuqori ekani aytilmoqda.
8 aprel kuni Filippinning markaziy qismida joylashgan Kanlaon vulqoni faollashib, taxminan to‘rt ming metr balandlikka kul otilgan. Bu haqda mamlakat seysmologiya instituti ma’lumot berdi.
Vulqon mahalliy vaqt bilan soat 5:51 da otilgan. Hozircha yangi evakuatsiya bo‘yicha rasmiy xabar berilmagan bo‘lsa-da, hududda xavf darajasi yuqori bo‘lib qolmoqda.
Kanlaon vulqonida 2024-yil dekabr oyida ham otilish bo‘lgan, o‘shanda mahalliy aholi xavfli hududdan ko‘chirilgan edi. Mutasaddilar hozirgi vaziyatni sinchiklab kuzatib borishmoqda.
