Rossiyada kamida 155 nafar xitoylik jang qilmoqda
Pekin rasmiylari bu holatdan xabardor.
Ukraina prezidenti Vladimir Zelenskiy, Rossiya tomonida kamida 155 nafar Xitoy fuqarosi Ukraina hududida urushayotganini ma'lum qildi. Uning so‘zlariga ko‘ra, ularda bu jangchilarning familiyalari va pasport ma'lumotlari mavjud. "Biz bu borada ma'lumot to‘playapmiz, ularning soni bundan yanada ko‘proq bo‘lishi mumkin," — dedi Zelenskiy.
Prezidentning aytishicha, Rossiya Xitoy fuqarolarini TikTok va boshqa ijtimoiy tarmoqlar orqali urushga jalb qilmoqda. Bu reklama materiallari Xitoy internet tarmoqlarida ochiq tarzda tarqatilmoqda va Pekin rasmiylari bu holat haqida xabardor.
Zelenskiyga ko‘ra, Xitoy fuqarolari Rossiyaga yetib borgach, 3-4 kunlik tibbiy ko‘rikdan o‘tadilar, so‘ngra 1-2 oylik o‘quv markazlariga yuboriladi. Ular "Mir" to‘lov kartalarini olishadi va bu orqali o‘zlarining moliyaviy ishlarini amalga oshiradilar.
