Namanganda hujjatsiz 360 dona “iPhone 16 Pro Max” telefoni aniqlandi
Hozirda holat bo‘yicha surishtiruv ishlari olib borilmoqda.
Bugun, 11-aprel kuni “Namangan” yo‘l-patrul xizmati maskanida “Qamchiq” dovoni YPX otryadi xodimlari tomonidan Lacetti rusumli avtomobil to‘xtatilgan. Avtomobilni boshqarib ketayotgan haydovchi — A.M. ismli fuqaro bo‘lib, u “Farg‘ona vodiysi – Toshkent” yo‘nalishi bo‘ylab harakatlanayotgan bo‘lgan.
YPX xodimlari avtomobilni ko‘zdan kechirganida, haydovchi transport vositasining saloni va yukxonasiga katta miqdordagi mobil telefonlarni yashirganini aniqlangan. Tekshiruv davomida jami 360 dona “iPhone 16 Pro Max” rusumli zamonaviy smartfon topilgan. Mazkur telefonlarga hech qanday kuzatuv, yuk xati yoki boshqa rasmiy hujjatlar bo‘lmagan.
Hozirda ushbu holat yuzasidan barcha tegishli hujjatlar rasmiylashtirilgan.
