Toshkentda uka o‘gay akasi va kelnoyisini o‘ldirdi
Bunga otasidan qolgan uy-joy sabab bo'lgan.
Toshkent shahrining Olmazor tumanida sodir bo‘lgan dahshatli qotillik jinoyati bo‘yicha sud hukmi e’lon qilindi. Ma’lumotlarga ko‘ra, 24 yoshli yigit o‘zining o‘gay akasi va homilador kelnoyisini vahshiylarcha o‘ldirganlikda aybdor deb topildi.
Jinoyatga marhumlarning otasi tomonidan qoldirilgan uy-joy mojarosi sabab bo‘lgan. Sud materiallariga ko‘ra, aka-ukalar o‘rtasida jiddiy tortishuv yuzaga kelgan va bu mojaro og‘ir oqibatlarga olib kelgan. Jinoyatchi birinchi bo‘lib akasini o‘ldirgan, so‘ngra esa uning rafiqasi — homilador ayolni bo‘g‘ib o‘ldirgan.
Marhumaning yaqinlari ommaviy axborot vositalariga bergan intervyusida, “Singlim homilador edi. Uni bo‘g‘ib o‘ldiribdi. Bu odamni maniyakka o‘xshataman. U umrboqiy qamoqqa olinishi kerak,” degan izohlarni berishdi.
Eng dahshatlisi shundaki, ukasi jinoyatini yashirishga urinib akasining jasadini bo‘laklab, shisha idishlarga solib, kanalga tashlab yuborgan. Homilador ayol esa bir hafta davomida jasadi xonadonda qolgan.
Jinoiy ish Toshkent shahri Jinoyat ishlari bo‘yicha Olmazor tuman sudida ko‘rib chiqildi. Sud hukmiga ko‘ra, sudlanuvchi Jinoyat kodeksining 97-moddasi 2-qismi (“b”, “v”, “r”, “o” bandlari) — ya’ni ikki va undan ortiq shaxsni, homilador ayolni, o‘ta shafqatsizlik bilan va aybdorni qasddan o‘ldirish bilan bog‘liq moddalar bo‘yicha aybdor deb topildi.
Unga nisbatan 59-modda asosida jazolarni qisman qo‘shish yo‘li bilan 24 yil muddatga ozodlikdan mahrum qilish jazosi tayinlandi.
