Namanganda homilador ayolning 70 foiz qismi kuyib ketdi
U ovqat qilayotganda gazballon portlab ketgan.
Maʼlum qilinishicha, Namanganda homilador ayol kuyish jarohati bilan shifoxonaga yotqizildi.
Ayol holatni quyidagicha izohladi:
“Ovqat qilayotgan paytimda gazballon yonib ketdi. Bu holat plita va gazballon o‘rtasida yuz berdi. So‘ngra tezda qo‘shnilarim shifoxonaga olib kelishdi. Farzandimni o‘zim jarrohlik amaliyotisiz dunyoga keltirdim. Farzandim sog‘lom”,- deydi jarohatlangan ayol.
Shifokorning maʼlum qilishicha, ayol 70 foiz kuyish jarohati bilan shifoxonaga kelgan.
“Ayol 35 haftalik homilador bo‘lganligi uchun zudlik bilan ginekolog chaqirildi. Hozirda ayol jarohatining 35 foiz qismi bitish jarayonida. Butkul tuzalishi uchun 2 yil vaqt ketar ekan. Bolakayning ahvoli esa yaxshi”,- deydi shifokor.
