“Andijon turmasi” shahar markazidan chekkaga ko'chadi
Hibsxona o‘rnida ko‘ngilochar markazlar quriladi.
Andijon shahrining markazida joylashgan “Andijon turmasi” — 3-son tergov hibsxonasi shaharning chekka hududiga ko‘chiriladi. Bu haqda Andijonga tashrif buyurgan davlat rahbari ma’lum qildi.
Prezident ushbu inshoot 100 yil avval qurilganini va bugungi kunda shahar markazida uning mavjudligi nojoiz ekanini ta’kidladi. Shahar tobora obodonlashib, zamonaviy ko‘rinishga kirib borayotgan bir vaqtda, “bunday sovuq binoning” markazda joylashganini nomaqbul deb topdi.
Mazkur qarorga ko‘ra, hibsxona boshqa hududga ko‘chiriladi, uning o‘rnida esa zamonaviy ko‘ngilochar, savdo va servis markazi barpo etilishi rejalashtirilmoqda.
