“Qamchiq”da yuk mashinasi to‘liq yonib ketdi
Holat yuzasidan FVB maʼlumot berdi.
Kecha, 15 aprel kuni soat 22:41 da Toshkent-O‘sh avtomobil yo‘lining Vodiy-Toshkent yo‘nalishida harakatlangan DAF rusumli yuk mashinasida yong‘in bo‘lganligi to‘g‘risida xabar kelib tushgan.
Zudlik bilan aytilgan manzilga soat 22:50 da yong‘in-qutqaruv boshqarmasidan 2 ta ekipaj yetib borishgan, soat 22:53 da yong‘in qurshab olingan va soat 23:13 da yong‘in to‘liq bartaraf etilgan.
Hozirda yong‘in sababi va moddiy zarar miqdori aniqlanmoqda. Hodisa oqibatida tan jarohati olish va halok bo‘lish holatlari qayd etilmadi.
