O‘zbekiston U17 terma jamoasi Osiyo chempioni bo'ldi
Jamoa Saudiya Arabistonini 2:0 hisobida mag‘lub etishdi.
O‘zbekiston o‘smirlar terma jamoasi Saudiya Arabistonida o‘tgan o‘smirlar o‘rtasidagi Osiyo kubogida g‘oliblikni qo‘lga kiritdi. Islomjon Ismoilov shogirdlari barcha o‘yinlarda kuchli raqiblarini mag‘lub etdi va Qatarda bo‘ladigan jahon chempionatiga yo‘llanmani ham qo‘lga kiritdi.
Guruh bosqichida Tailand (4:1), Xitoy (2:1) va Saudiya Arabistonini (3:0) mag‘lub etgan futbolchilarimiz, chorak finalda BAA (3:1), yarim finalda esa KXDR (3:0) ustidan yirik g‘alabalarni qo‘lga kiritishdi. Finalda esa ikki o‘yinchi maydondan chetlatilganiga qaramay, Saudiya Arabistonini 2:0 hisobida mag‘lub etishdi.
Musobaqa davomida Neʼmatulloh Rustamjonov — eng yaxshi darvozabon, Asilbek Aliyev — eng yaxshi to‘purar, Sadriddin Hasanov — turnirning eng yaxshi futbolchisi deb eʼtirof etildi. Endi O‘zbekiston o‘smirlar terma jamoasi jahon chempionatida yurtimiz sharafini himoya qiladi.
