Xitoydan O‘zbekistonga ilk yuk poyezdi yo‘lga chiqdi
Ushbu temir yo‘l yo‘nalishi iqtisodiy aloqalarni mustahkamlaydi.
Xitoyning Chunsin shahridan O‘zbekistonga ilk bor mahalliy ishlab chiqarilgan poliefir granulalari yuklangan poyezd yo‘lga chiqdi. Bu tarixiy hodisa ikki davlat o‘rtasidagi logistika hamkorligida yangi bosqichni boshlab berdi.
Yangi yo‘nalish Xitoyning janubi-g‘arbiy qismidagi yirik sanoat markazi bo‘lgan Chunsindan Markaziy Osiyo mamlakatlariga, xususan O‘zbekistonga, temir yo‘l orqali muntazam yuk tashishni yo‘lga qo‘yadi. Bu esa savdo hajmini oshirib, yuk tashishda tezlik va qulaylikni ta’minlashi kutilmoqda.
Mutaxassislar fikricha, ushbu temir yo‘l yo‘nalishi nafaqat iqtisodiy aloqalarni mustahkamlash, balki butun mintaqada transport logistikasi samaradorligini oshirishga xizmat qiladi. Shu bilan birga, bu tashabbus “Bir makon – bir yo‘l” loyihasi doirasidagi hamkorlikning yana bir amaliy natijasi sifatida e’tirof etilmoqda.
