O‘zbekistonda 29 ta yirik davlat korxonasi xususiylashtiriladi
Jarayonga xalqaro darajadagi konsultantlar jalb etiladi.
2025 yildan boshlab O‘zbekistonda keng qamrovli xususiylashtirish jarayoni boshlanadi. Prezident farmoniga muvofiq, jami 29 ta yirik davlat korxonasi xususiylashtirishga tayyorlanmoqda. Ularning ichida UzAuto Motors, Uzbekistan GTL, Mobiuz, O‘zmetkombinat, Navoiyazot va qator elektr stansiyalari bor.
UzAuto Motorsʼning 99,7 foiz ulushi 2026 yil 1-choragida ommaviy savdoga chiqariladi. Avvalroq 2025 yil 4-chorakda UzAuto Motors Povertrainʼning 100 foiz ulushi sotuvga chiqishi rejalashtirilgan edi. 3,42 milliard dollarlik GTL zavodining ham 100 foiz ulushi xususiylashtiriladi. Bu bo‘yicha savdo 2026 yil 2-chorakda bo‘lib o‘tadi.
Bundan tashqari, 12 ta korxona IPO orqali aksiyalarini xalqaro va mahalliy fond bozorlariga joylashtiradi. Ularning qatorida NKMK, OKMK, Uzbekistan Airways, Uztransgaz va O‘zbektelekom kabi strategik ahamiyatga ega kompaniyalar bor. Bu jarayonga xalqaro darajadagi konsultantlar jalb etiladi.
