Apple kompaniyasi ishlab chiqarishni Xitoydan Hindistonga ko‘chiradi
Qaror Trampning savdo siyosati bilan bog‘liq.
Apple kompaniyasi AQSH va Xitoy o‘rtasidagi savdo urushining kuchayishi tufayli o‘z smartfonlarini ishlab chiqarishni Xitoydan Hindistonga ko‘chirishni rejalashtirmoqda. Bu haqda xalqaro ommaviy axborot vositalari xabar bermoqda.
Mutaxassislar bu qarorni Donald Trampning savdo siyosati bilan bog‘lashmoqda. U Xitoydan import qilinadigan mahsulotlarga yuqori bojlar joriy etib, Amerika kompaniyalarini ichki yoki alternativ bozorlarga o‘tishga majbur qilmoqda.
Applening ushbu qadami Hindistonning texnologik salohiyatini yana-da oshirishi va mamlakatni yirik ishlab chiqarish markazlaridan biriga aylantirishi mumkin.
