Fransiyada maktabda pichoqbozlik oqibatida bir o‘quvchi halok bo‘ldi
Hozirda hujum qilgan shaxs ruhiy kasalxonaga yotqizilgan.
Fransiyaning Nant shahrida joylashgan maktablardan birida ro‘y bergan pichoqbozlik fojiasi mamlakatni larzaga soldi. Mahalliy OAV xabariga ko‘ra, hujum natijasida bir nafar o‘quvchi halok bo‘lgan, yana uch nafari turli darajadagi tan jarohatlari olgan.
Hujumni amalga oshirgan shaxs – o‘sha maktabda tahsil oluvchi 15 yoshli o‘smir bo‘lib, u politsiya yetib kelguniga qadar o‘qituvchilar tomonidan qo‘lga olingan. Hozircha bu harakatga nima sabab bo‘lgani noma’lumligicha qolmoqda.
Politsiya ma’lumotiga ko‘ra, hujum qilgan o‘quvchi ilgari hech qanday jinoyat sodir etmagan, u ro‘yxatda ham bo‘lmagan. Hozircha voqea terrorchilik bilan bog‘liq emasligi taxmin qilinmoqda, ammo tergov harakatlari davom etmoqda.
Fransiya Ichki ishlar vaziri Jerald Darmanen hamda Ta’lim vaziri Gabriel Attal hodisa yuzasidan shaxsan voqea joyiga — Nant shahriga kelgani ma’lum qilindi.
