Samarqandda Lacetti o‘nga yaqin kishini urib yubordi
YTH oqibatida 1 nafar ayol vafot etgan.
11-aprel kuni Samarqand shahrida 28 yoshli haydovchi “Rudakiy” koʻchasidagi piyodalar oʻtish yoʻlidan oʻtayotgan oʻnga yaqin odamlarni urib ketdi. Videoda avtomashina piyodalar yoʻlidagi bir nechta kishini bosib ketgani, yoʻlda yosh bolalar ham boʻlgani koʻrinadi.
Ma'lum bo'lishicha, haydovchi YTHda 8 kishini urib yuborgan, yana bitta mashinaga zarar yetkazgan. Vafot etgan ayolning 3 nafar farzandi onasiz qolgan, boshqa fuqarolar og'ir tan jarohatlari olgan.
Haydovchiga nisbatan JK 266-moddasi 2-qismi bilan jinoyat ishi qoʻzgʻatilib, “qаmoqqa olish” tarzidagi ehtiyot chorasi qoʻllanilgan. Dastlabki tergov harakatlari olib borilmoqda.
