Toshkentda avtomobil va mototsikl to‘qnashib ketdi
Oqibatda haydovchilardan biri vafot etgan.
Bugun, 29 aprel kuni soat 09:40 larda Yunusobod tumani KXAY ko‘chasida haydovchi M.A. boshqaruvidagi Hyundai rusumli transport vositasi va 1986 yilda tug‘ilgan Z.Sh. boshqaruvidagi Kavasaki rusumli mototransport vositasi to‘qnashishi oqibatida yo‘l-transport hodisasi sodir bo‘lgan.
YTH natijasida Kavasaki rusumli mototransport vositasining haydovchisi voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilib dastlabki tergov harakatlari olib borilmoqda.
Mazkur moddada muayyan huquqdan mahrum qilib, yetti yilgacha ozodlikdan mahrum qilish bilan jazolash belgilab qo‘yilgan.
