Favqulodda vaziyatlar vaziriga deputatlik so‘rovi yuborildi
Bu yuz berayotgan yong‘in oqibatlari bilan bog‘liq.
So‘nggi kunlarda yong‘in talafotlari haqida tarqalayotgan xabarlar odamlar noroziligiga sabab bo‘lmoqda. Xususan, Yangiqo‘rg‘on tumanida 4 yoshli bola yong‘in oqibatida halok bo‘lgani, boshqa bir hududda esa yerto‘lada tutun ichida qolgan bolalar taqdiri bilan bog‘liq ayanchli hodisalar bunga misol bo‘la oladi.
Holatlar yuzasidan FVV vaziri B.B. Qudratxo‘jayevga deputatlik so‘rovi yuborildi. Unda bunday holatlarning kelib chiqish sabablari va ularning oldini olish, zararlarni kamaytirish uchun qanday chora-tadbirlar ko‘rilayotgani yuzasidan asosli tushuntirishlar so‘raldi.
Mazkur masalada Oliy Majlis Qonunchilik palatasidagi O‘zbekiston XDP fraksiyasi aʼzosi Firdavs Sharipov o‘zining Facebook ijtimoiy tarmog‘idagi sahifasida munosabat bildirdi.
