AQShdan O‘zbekistonga noqonuniy migrantlar deportatsiya qilindi
Hukumat yo'l harajatlarini to'liq moliyalashtirgan.
30-aprel kuni AQShning ichki xavfsizlik departamenti tomonidan maxsus charter reysi tashkil etildi, natijada viza rejimini yoki qonuniy bo‘lish muddatini buzgan 131 nafar O‘zbekiston fuqarosi deportatsiya qilindi. Bu operatsiya AQSh va O‘zbekiston o‘rtasidagi hamkorlikni yanada mustahkamlashga yordam beradi.
AQSh rasmiylari, shuningdek, O‘zbekiston prezidenti Shavkat Mirziyoyevga minnatdorchilik bildirib, bu operatsiyaning AQSh ittifoqchilari uchun yangi standart o‘rnatishini ta’kidladilar. O‘zbekiston hukumati o‘z fuqarolarining qaytishini to‘liq moliyalashtirish majburiyatini olganini qayd etishdi.
AQSh rasmiysi ikki davlat o‘rtasidagi mustahkam xavfsizlik aloqalarini va umumiy qonun ustuvorligini ta’minlashda hamkorlikni davom ettirishga umid bildirdi. Deportatsiya qilinganlar orasida Qozog‘iston va Qirg‘iziston fuqarolari ham bo‘lib, ular O‘zbekistonga yetib borgach, o‘z vatanlariga qaytariladi.
