Navoiyda ikki nafar yoshlar yetakchisi avariyada halok bo'ldi
Yoshlar ishlari agentligi direktori ularning oila a'zolariga ta'ziya bildirdi.
Navoiy viloyatining Karmana tumanida ikki nafar yoshlar yetakchisi — “Farhod” mahallasi yetakchisi Ulug‘bek Oblaqulov va “Bahrom” mahallasi yetakchisi Muhriddin Bahronov yo‘l-transport hodisasi oqibatida vafot etdi. Bu haqda Yoshlar ishlari agentligi direktori Alisher Sa’dullayev o‘zining rasmiy sahifasida xabar berdi.
“Bir kunda tizimning yosh va faol ikki fidoyi yetakchisining kutilmagan tarzda hayotdan ko‘z yumishi biz uchun juda og‘ir musibat. Ularning yurt va yoshlar yo‘lida qilgan xizmatlari, tashabbuskorligi va fidoyiligi har doim yodimizda qoladi,” — deyiladi xabarda.
Agentlik jamoasi nomidan marhumlarning oila a’zolari va yaqinlariga chuqur hamdardlik va ta’ziya izhor etiladi. Ularning oilalariga moddiy va ma’naviy yordam ko‘rsatish bo‘yicha zarur choralar ko‘riladi.
