Samarqandda 7 oylik chaqaloq ko'chaga tashlab ketildi
Holat tegishli organlar tomonidan o'rganilmoqda.
Ijtimoiy tarmoqlarda tarqalgan 7 oylik go‘dakni ko‘chaga tashlab ketish holati bo‘yicha rasmiy munosabat bildirildi.
Bolalar ombudsmani holatni alohida nazoratga olib, hozirda ichki ishlar va prokuratura organlari tomonidan tegishli surishtiruv ishlari olib borilmoqda.
Dastlabki ma’lumotlarga ko‘ra, Sirdaryo viloyatida yashovchi ayol o‘zining 7 oylik farzandini Samarqand viloyati Pastdarg‘om tumanidagi mahalla hududida tashlab ketgan. Ayolning yashirinib olgani aniqlangan.
Mazkur holat yuzasidan hozirda tuman IIB tomonidan tergovga qadar tekshiruv harakatlari olib borilmoqda. Bola esa tumandagi go‘daklar uchun mo‘ljallangan muassasaga joylashtirilib, unga zarur parvarish ko‘rsatilmoqda.
Ayolning shaxsi aniqlangan bo‘lib, uning harakatlariga nisbatan huquqiy baho berish jarayoni davom etmoqda. Holat yuzasidan qo‘shimcha ma’lumotlar taqdim etilishi rejalashtirilgan.
