Samarqandda ikki kishi jarlikka tushib ketdi
Ular FVV xodimlari tomonidan qutqarilgan.
Kecha, 4 may kuni soat 23:15 da Samarqand shahar “Ipak yo‘li” MFY hududida 10 metrlik jarlik ichidagi changalzorga 2 nafar fuqarolar tushib ketganligi va ularga amaliy yordam zarurligi bo‘yicha xabar kelib tushgan.
Mazkur xabarga asosan, aytilgan manzilga zudlik bilan FVB qutqaruvchilari yetib kelishgan. Qutqaruvchilarning tezkor harakatlari natijasida 2 nafar fuqarolar sog‘-salomat qutqarib olingan.
Maʼlum bo‘lishicha, fuqarolar yoshi ulug‘ insonlar bo‘lib, dastlab 1 nafari jarlikka tushib ketgan, so‘ng sherigini qutqarish maqsadida ikkinchi fuqaro ham tushib qaytib chiqmagan.
