O‘zbekistondan Moskvaga uchgan 6 ta samolyot zaxira aeroportlarga yo‘naltirildi
Bunga Moskvadagi dron hujumlari sabab bo‘lgan.
Aviakompaniya Matbuot xizmati maʼlumotiga ko‘ra, reyslar holati quyidagicha:
- HY9619 (Namangan — Moskva, Vnukovo) — Ufaga yo‘naltirilgan;
- HY9671 (Toshkent — Nijniy Novgorod) — hozirda Ufada;
- HY613 (Toshkent — Moskva, Vnukovo) — Sankt-Peterburgga qo‘ngan;
- HY9627 (Farg‘ona — Moskva, Vnukovo) — Sankt-Peterburgda;
- HY601 (Toshkent — Moskva, Domodedovo) — Sankt-Peterburgda;
- HY605 (Samarqand — Moskva, Vnukovo) — Sankt-Peterburgda.
Yo‘nalish o‘zgarishining sababi — 7 mayga o‘tar kechasi Rossiya poytaxtiga dronlar orqali uyushtirilgan hujum bo‘ldi. Rossiya Mudofaa vazirligi xabariga ko‘ra, Podmoskovyeda bir nechta dron urib tushirilgan, bir obyekt esa parchalar tushishi natijasida zararlangan. Moskva aeroportlarida vaqtincha uchish va qo‘nishlar to‘xtatilgan, havo fazosi bir necha soatdan so‘ng qayta ochilgan.
Uzbekistan Airways aviakompaniyasi yo‘lovchilarga rasmiy manbalar orqali yangiliklarni kuzatib borish va osoyishtalikni saqlashni tavsiya etdi.
