Navoiyda maktab direktori o‘quvchilarni kaltakladi
Hozirda tergovga qadar tekshiruv o‘tkazilmoqda.
Ijtimoiy tarmoqda Navoiy viloyatining Xatirchi tumanida maktab direktori o‘quvchilarni barchani oldida kaltaklagani aks etgan video tarqaldi. Holat yuzasidan Bolalar ombudsmani rasmiy munosabat bildirdi.
Aniqlanishicha, joriy yilning 25 fevral kuni Navoiy viloyati Xatirchi tumanidagi maktab direktori Q. J. ikki nafar 10-sinf o‘quvchilarini go‘yoki tartibga chaqirish vaji bilan kaltaklab, tanasining turli qismlarini mushtlab, oyoqlari bilan tepib do‘pposlagan.
Hozirda holat yuzasidan tergovga qadar tekshiruv harakatlari olib borilmoqda. O‘quvchilarga yetkazilgan tan jarohati bo‘yicha sudga oid tibbiy ekspertiza tayinlandi.
