Andijonda 7 yoshli bola quduqqa tushib ketdi
U FVB xodimlari tomonidan qutqarib olingan.
Bugun, 16-may kuni soat 11:00 da Qo‘rg‘ontepa tumani “Ibn Sino” MFY, Maktab ko‘chasida joylashgan uylarning biri hovlisidagi chuqurligi 40 metr, diametri 90 sm bo‘lgan suvsiz, hozirda foydalanishda bo‘lmagan quduqqa uy egasining 7 yoshli o‘g‘li extiyotsizlik oqibatida tushib ketganligi, uni olib chiqishda amaliy yordam so‘rab FVBga murojaat qilingan.
Aytilgan manzilga zudlik bilan FVB qutqaruvchilari yetib borib, maxsus texnikalar va anjomlar yordamida olib borilgan qutqarish ishlari natijasida bola quduqdan sog‘-salomat chiqarib olingan. Ayni vaqtda bolaning ahvoli yaxshi. Tibbiy ko‘rikdan o‘tkazish maqsadida shifoxonaga olib borilgan.
