Buxoroda ekskavator 64 yoshli ayolni bosib ketdi
Piyoda voqea joyida halok bo‘lgan.
Hodisa 2025 yilning 15 may kuni Buxoro shahar markaziy bozori oldida sodir bo‘lgan.
Qayd etilishicha, shu kuni H.I. ismli shaxs o‘z boshqaruvida bo‘lgan ekskavatorni Ibn Sino ko‘chasi bo‘ylab harakatlanib borayotgan vaqtida Buxoro shahar markaziy bozoridan chiqib, yo‘lni kesib o‘tayotgan 1961 yilda tug‘ilgan ayolni ko‘rmay qolib, bosib ketgan.
Natijada, ayol voqea joyida vafot etgan. Ushbu holat yuzasidan JKning 266-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
“Tergov yakuniga ko‘ra holatga huquqiy baho berilib, javobgarlikning muqarrarligi taʼminlanadi”, - deyiladi xabarda.
