Toshkentda yashirin elektron tamaki sexi fosh etildi
Qariyb 13 mlrd so‘mlik noqonuniy mahsulot musodara qilindi.
Toshkent shahridagi savdo shoxobchalarida umumiy qiymati 12 milliard so‘m bo‘lgan 144 567 quti hujjatsiz elektron tamaki va boshqa tamaki mahsulotlari noqonuniy ravishda sotuvga qo‘yilganligi aniqlangan.
Olib borilgan tergovga qadar tekshiruvlar davomida ushbu mahsulotlarning ishlab chiqarilgan joyi Qibray tumanida joylashgan yashirin sex ekanligi ma’lum bo‘ldi. Mazkur sexdan yana 500 million so‘mlik tamaki mahsulotlari daliliy ashyo sifatida olib qo‘yildi.
Jami aniqlangan noqonuniy mahsulotlarning qiymati 12,5 milliard so‘mga yaqinlashgan. Holat yuzasidan jinoyat ishi qo‘zg‘atildi, tergov harakatlari olib borilmoqda.
Mazkur holat iste’molchilarning sog‘ligiga xavf tug‘dirishi va soliqdan bo‘yin tovlash kabi jinoyatlarni o‘z ichiga olgani bois jiddiy tarzda ko‘rib chiqilmoqda.
