Napoleonning qilichi auksionda sotildi
U salkam 5 mln yevroga xarid qilingan.
Parijdagi auksionda Fransuz imperatori Napoleonning qilichi qariyb 4,7 mln yevroga sotildi. Bu haqida mahalliy nashrlar xabar berdi.
Qayd etilishicha, qilich dastlab 700 mingdan 1 mln yevrogacha baholangan.
Bu qilichni Napoleon 1802 yilda Fransiyaning birinchi konsuli bo‘lganida Versal manufakturasi rahbari Nikolas-Noel Boutetga shaxsiy foydalanish uchun buyurtma qilgan.
Auksion uyining taʼkidlashicha, Napoleon imperator taxtini egallaganidan keyin ham bu qurolni hukmronligining oxirigacha saqlab kelgan. Taxtdan ag‘darilgach, u qilichni eng yaqin sheriklaridan biri, marshal Emmanuel de Grouchiga topshirgan. Shamshirni auksion uyiga de Grouchining singlisining avlodlari hadya qilishgan.
