Namanganda qoramol zovur quvuriga tiqilib qoldi
FVV qutqaruvchilari qoramolni sog‘-salomat olib chiqishgan.
Namangan shahrida bir bosh qoramol zovur quvuriga tiqilib qolib, favqulodda vaziyat yuzaga keldi. Hodisa 28-may kuni soat 14:50 da “Oromgoh” mahallasida yashovchi fuqaroning murojaati asosida aniqlangan.
Ma’lum bo‘lishicha, qoramol Uychi tumanidagi “Oqtosh” MFY hududidan oqib o‘tuvchi zovur quvuriga tushib ketgan. Fuqaro uni chiqarib olish uchun Favqulodda vaziyatlar boshqarmasiga murojaat qilgan.
Voqea joyiga yetib borgan FVV qutqaruvchilari maxsus asbob-anjomlar yordamida qoramolni zovurdan sog‘-salomat holatda olib chiqishga muvaffaq bo‘lishgan.
