O‘zbekistonda ish haqi 10 foizga oshiriladi

2025 yil 1 iyuldan e’tiboran O‘zbekistonda pensiyalar, nafaqalar, kam ta’minlangan oilalarga bolalar nafaqalari va moddiy yordam to‘lovlari miqdori 10 foizga oshiriladi. Bu haqda Prezidentning "Ish haqi, pensiyalar, stipendiyalar va nafaqalar miqdorini oshirish to‘g‘risida"gi farmonida belgilangan.

 

Yangi tartibga ko‘ra:

 

Yoshga doir eng kam pensiya miqdori – oyiga 918 000 so‘m;

 

Nogironlik pensiyasining eng kam miqdori – oyiga 1 012 000 so‘m;

 

Kam ta’minlangan oilalar uchun bolalar nafaqasi miqdorlari quyidagicha belgilanadi:

 

3 yoshgacha bo‘lgan bitta kichik farzand uchun – 360 000 so‘m;

 

3 yoshdan 18 yoshgacha bo‘lgan bitta farzand uchun – 275 000 so‘m;

 

Oilaning ikkinchi farzandi uchun qo‘shimcha – 165 000 so‘m;

 

Uchinchi va undan keyingi har bir farzand uchun qo‘shimcha – 110 000 so‘m;

 

Shuningdek, kam ta’minlangan oilalarga oyiga beriladigan moddiy yordam miqdori 420 000 so‘m etib belgilanadi.

 

Boshqa pensiya va nafaqalar miqdorlari farmonga ilova asosida belgilanadi.

 

2025 yil 1 avgustdan boshlab esa byudjet tashkilotlari xodimlarining ish haqi va stipendiyalar miqdori ham 10 foizga oshiriladi.

 

Baza miqdorlaridagi o‘zgarishlar:

 

2025 yil 1 iyuldan boshlab pensiyani hisoblashning bazaviy miqdori – oyiga 471 000 so‘m;

 

2025 yil 1 avgustdan boshlab:

 

Mehnatga haq to‘lashning eng kam miqdori – oyiga 1 271 000 so‘m;

 

Bazaviy hisoblash miqdori – 412 000 so‘m etib belgilanadi.