Qalbaki alkogol va tamaki mahsulotlarining noqonuniy savdosi fosh etildi
Holat yuzasidan tergov harakatlari olib borilmoqda.
Bosh prokuratura huzuridagi Departamentning Hazorasp, Gurlan, Xiva va Bog‘ot tuman bo‘limlari, DXX va IIB xodimlari hamkorligida o‘tkazilgan tezkor tadbirlarda qalbaki aksiz markali mahsulotlar savdosi aniqlangan.
O‘tkazilgan tadbirlarda YATT “G.J.”, “D.B.” xususiy korxonasi, “X.D.” va “A.T.” MChJlarning savdo do‘konlarida jami 4 690 dona qalbaki aksiz markali alkogol hamda 1 137 quti tamaki mahsulotlari sotuvga qo‘yilgani aniqlanib, ushbu mahsulotlar ashyoviy dalil sifatida olib qo‘yilgan.
Shuningdek, Departamentning Uzun tuman bo‘limi tomonidan o‘tkazilgan tadbirda “K.B.” xususiy korxonasining savdo do‘konidan 769 dona alkogol va 540 quti tamaki mahsuloti ashyoviy dalil sifatida olingan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
