Britaniya O‘zbekistonda laboratoriya ochishni rejalashtirmoqda
Laboratoriyada organik mahsulotlar yetishtiriladi.
O‘zbekiston elchixonasi ko‘magida O‘simliklar karantini va himoyasi agentligi vakillari hamda Britaniyaning Soil Association tashkiloti rahbarlari o‘rtasida onlayn uchrashuv o‘tkazildi.
Muzokaralarda tashkilot bosh direktori Jyeyms Keshmor va standartlar bo‘yicha mutaxassis Sara Kompson ishtirok etdi. Tomonlar O‘zbekistonda va butun mintaqada ekologik toza dehqonchilikni rivojlantirish, organik mahsulotlarni yetishtirish va ularni sertifikatlash bo‘yicha fikr almashishdi.
Britaniya tomoni mamlakat hududida o‘zining maxsus laboratoriyalarini ochish taklifini ilgari surdi.
Uchrashuv yakunida hamkorlikning ustuvor yo‘nalishlarini belgilash bo‘yicha kelishuvga erishildi.
