Buxoro amirligi tangalarini chetga olib ketayotgan shaxs qo‘lga tushdi
U 267 ta zargarlik buyumlarini olib chiqishga uringan.
O'zbekiston-tojik chegarasida joylashgan "Sariasiya" bojxona postida mamlakatdan zargarlik buyumlari kolleksiyasini, shu jumladan qadimiy tangalarni noqonuniy olib chiqishga uringan erkak hibsga olingan.
Surxondaryo viloyati bojxona xizmati boshqarmasining xabar berishicha, qo'shni mamlakatga ketayotgan yo'lovchini tekshirishda bojxona deklaratsiyasida e'lon qilinmagan 267 ta zargarlik buyumlari topilgan.
Ekspert-san'atshunosning xulosasiga ko'ra, ular orasida XIX asrda Buxoro amirligida zarb qilingan 39 ta kumush tanga-osmalar mavjud. Qolgan mahsulotlar XIX asr oxiri-XX asr boshlariga to'g'ri keladi va madaniy ahamiyatga ega.
Ushbu fakt bo'yicha tergov olib borilmoqda, olib qo'yilgan barcha narsalar esa Termiz arxeologiya muzeyiga saqlash uchun topshirildi.
O'zbekiston qonunchiligi 50 yildan ko'proq vaqt oldin yaratilgan madaniy boyliklarni eksport qilishni taqiqlaydi. Numizmatik narsalar ham taqiqlangan.
