Buxoroda 2 yoshli bola tanga yutib yubordi
Holat yuzasidan viloyat SSB maʼlumot berdi.
Buxoro viloyatining Qorako‘l tumanida tanga yutib yuborgan 2 yoshli bolaning hayoti saqlab qolindi. Bu haqida viloyat Sog‘liqni saqlash boshqarmasi xabar qildi.
Qayd etilishicha, 2023 yilda tug‘ilgan chaqaloq yuqori qizilo‘ngach toraymasida yot jism qolib ketgani sababli shoshilinch qabulxona bo‘limiga olib kelingan.
Shundan so‘ng navbatchilikda bo‘lgan yuqori malakali shifokorlar jamoasi tezkor tibbiy yordam ko‘rsatgan. Zamonaviy tibbiy uskunalar yordamida yuqori texnologik, kam invaziv jarrohlik amaliyoti muvaffaqiyatli amalga oshirilgan va bolakay hayoti saqlab qolingan.
Ayni paytda bemorning ahvoli barqaror, shifokorlar nazorati ostida qoniqarli holatda.
