Toshkentda xalqaro surishtiruv jurnalistikasi treningi bo‘lib o‘tdi
O‘zbekiston va Latviya jurnalistlari korrupsiyaga qarshi kurashda tajriba almashishdi.
2025-yil 9-iyun kuni Korrupsiyaga qarshi kurashish agentligida muhim bir xalqaro trening bo‘lib o‘tdi. Tadbir surishtiruv jurnalistikasi mavzusiga bag‘ishlanib, unda Latviya va O‘zbekiston jurnalistlari, media ekspertlari ishtirok etdi.
Tadbir “Boltiq OAVni rivojlantirish markazi” (Latviya) tomonidan tashkil etilgan bo‘lib, uning asosiy maqsadi jurnalistlarning surishtiruv metodologiyasi, axloqiy yondashuvlar va faktlarni tekshirish bo‘yicha bilim va ko‘nikmalarini mustahkamlashdan iborat edi.
Treningning ochilishida Gunta Sloga, Boltiq OAVni rivojlantirish markazi ijrochi direktori va Martins Murnieks, loyiha eksperti so‘zga chiqdi.
Tadbir davomida quyidagi mavzular muhokama qilindi:
Surishtiruv jurnalistikasining tamoyillari va metodologiyasi, mas’uliyatli yondashuv va qonunchilik, faktlarni tekshirish, ma’lumotlar bazalari bilan ishlash, kontentni samarali tuzish va uni auditoriyaga yetkazish strategiyalari.
Treningda Lola Islamova (O‘zbekiston) va Inga Springe (Latviya) kabi yetuk jurnalistlar o‘z ma’ruzalari va tajribalari bilan ishtirokchilarga ilhom bag‘ishladi.
Ayniqsa, auditoriyani maksimal darajada qamrab olish, hikoyalarni aniqlash va ularni turli platformalarga moslashtirish bo‘yicha bergan tavsiyalari alohida e’tiborga sazovor bo‘ldi.
Ishtirokchilar nafaqat tinglovchi, balki faol qatnashchi sifatida guruhlarda ishladi, turli amaliy mashg‘ulotlar bajardi, savol-javoblar orqali mavzularni chuqurroq o‘zlashtirdi.
