Kongoda kuchli yomg‘ir oqibatida 29 kishi halok bo‘ldi
Bu haqda mahalliy hokimiyat ma’lumot bergan.
Dam olish kunlari Kongo Demokratik Respublikasining poytaxti Kinshasada yog‘gan kuchli yomg‘ir oqibatida kamida 29 kishi halok bo‘ldi. Bu haqda mahalliy hokimiyat bugun rasmiy ma’lumot berdi.
Qurg‘oqchilik davrida yog‘gan yomg‘irlar shaharga katta zarar yetkazdi. Yo‘llarni suv bosib, infratuzilma ishdan chiqdi, elektr va ichimlik suvi ta’minotida keng ko‘lamli uzilishlar yuz berdi.
Kinshasa gubernatori Daniyel Bumba evakuatsiya va vaqtinchalik joylashtirish ishlari olib borilayotganini aytib, aholiga ehtiyot choralarini ko‘rishni tavsiya qildi.
Meteorologiya xizmatining ma’lumotiga ko‘ra, yomg‘ir miqdori 90 mm ga yetgan bo‘lib, bu so‘nggi yillardagi eng yuqori ko‘rsatkichdir. Kuchli yomg‘irlar yaqin kunlarda ham davom etishi kutilmoqda.
