Ukraina AQSh harbiy yordamisiz qolmoqda
Kiyev harbiy yordam bo‘yicha yangi strategiyalar ishlab chiqmoqda.
Ukraina 2022-yildan beri tayangan AQSh harbiy yordamidan voz kechilishi xavfi ostida qoldi. The Daily Telegraph nashrining xabar berishicha, Kiyev endi jangovar harakatlarni davom ettirish uchun o‘z harbiy arsenallarini to‘ldirishning muqobil yo‘llarini izlashga majbur.
Nashrning yozishicha, vaziyatdan chiqish uchun uch asosiy stsenariy mavjud:
1. Yevropa davlatlari tomonidan to‘g‘ridan-to‘g‘ri qurol-yarog‘ yetkazib berish
2. Evropaning Vashingtondan qurol xarid qilib, Ukrainaga yetkazib berishi
3. Ukrainaning Yevropa moliyaviy yordami bilan o‘z harbiy sanoatini kengaytirishi
Ammo gazeta Ukraina tashqi yordamsiz o‘z ehtiyojlarini mustaqil ta'minlay oladigan ssenariyni ko‘rib chiqmaydi. Shu bilan birga, Yevropa davlatlari 2025-yil fevral–mart oylariga mo‘ljallangan harbiy yordam va’dalarini bergan bo‘lsada, bu va’dalarning amaliy bajarilishi doim ham kafolatli emasligi qayd etilgan.
Ta'kidlanishicha, urush boshidan beri Ukraina asosan AQShning HIMARS, ATACMS raketalari va Patriot havo mudofaa tizimlariga tayanib kelmoqda. Ammo bu texnologiyalar tobora eskirib borayotgani va Rossiyaning gipertovushli raketalari hamda Eron dronlariga qarshi samaradorligi kamayayotgani aytilmoqda.
